Pak vs WI 2022 | Unexpected Moments During Match in 2nd ODI

 

Unexpected moments during pak vs wi 2^nd odi match

1^st Incident

Multan Cricket Stadium main Pakistan vs West Indies k 2^nd ODI match k doran 1 fan security k liye lgai Janay wali rukawtoon ko tor kar stadium main enter ho gya. Ye fan Wasim Akram enclosure say aaya or bhagta huwa Shadab Khan k pas gya pehlay Shadab ko salute kiya phir galay lagaya or us k baad ground say bahir bhaag gya. Wapis jatay huway us nay ground main Qalabazi (Roll up) bhi lagai or boundary ki taraf dor laga di. Security staff arrest karnay aaye to Khushi khushi apnay ap k un k hawalay kar diya or is k baad is ko ground say bahir lay jaya gya. Is fan k khilaf idaray nay karwai kartay huway is ki stadium main entry ko ban kar diya hai.

 2^nd Incident

2^nd one day match main Babar Azam Gloves pehan kar fielding kartay rahay jis ki waja say Pakistan ko 5 runs penalty k bhi paray. As per Cricket rules wicketkeeper k ilawa kisi bhi fielder ko gloves use karnay ki ijazat nhi hoti lekin last match main Babar nay gloves pehnay or is waja say west indies ko 5 runs milay. Is match main Pakistan ki position strong honay ki waja say koi faraq nhi para lekin agr match sakht hota to ye galti kafi mehngi par sakti thi.

Yad rahay k Pakistan nay West Indies ko 2^nd ODI match main 120 runs say hara kar 3 matches ki series apnay nam kar li hai. Pakistan team nay pehlay batting kartay huway 50 overs main 276 runs ka target diya tha jis k against West Indies sirf 32.2 overs main hi sari team out ho gayi or sirf 155 runs hi bna payi.